2024 թվականին ԵՄ-ից դուրս երկրներից Գերմանիա գաղթած միգրանտների 32.1 տոկոսն ունեցել է համալսարանական կամ համարժեք կրթություն, ինչը, Rockwool հիմնադրամի Բեռլինի գրասենյակի տվյալներով, «պատմական բարձր ցուցանիշ» է։ Նախորդ տարի այդ ցուցանիշը եղել է 30.9%։ Տվյալը հրապարակել է Deutsche Welle-ն:

Հետազոտության հեղինակները նշում են, որ վերջին տասնամյակում նկատվում է կայուն աճ՝ ինչպես ԵՄ-ից դուրս, այնպես էլ ԵՄ անդամ պետություններից եկած միգրանտների կրթական մակարդակի հարցում։ Գերմանիայում ԵՄ-ից դուրս եկած բարձրակարգ մասնագետների թիվն աճել է 29.4%-ից մինչև 31.1%, իսկ ԵՄ անդամ պետություններից Գերմանիա տեղափոխվածների շրջանում՝ 28.6%-ից մինչև 30.1%։ Յուրաքանչյուր 6-րդ բժիշկ արտերկրացի է:

«Այս միտումը ցույց է տալիս, թե որքան մեծ ներուժ ունեն միգրանտները ԵՄ աշխատաշուկայի համար», – նշել է Միգրացիայի հետազոտությունների կենտրոնի տնօրեն, Միլանի համալսարանի դասախոս Թոմմասո Ֆրատինին։