«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
Վալդորֆյան դպրոցի մոտեցումներն ապացուցում են, որ երեխայի ներդաշնակ զարգացումը կերտվում է մտքի, մոտորիկայի և զգայարանների համաչափ ներհյուսմամբ։
«Մեդիան հանուն կրթության» ՀԿ համահիմնադիր, լոգոպեդ, հատուկ մանկավարժ Սուսաննա Դավթյանի դիտարկմամբ, «ուսուցչի ընտրած գիտակցված ու նպատակային գործունեությունը նպաստում է երեխաների ուսումնառության, ընկալման բարելավմանը, կարող է ազդել նաև խոսքի, լեզվազգացողության, հնչյունահնչութային լսողության, ռիթմի զարգացմանը»։
Ըստ Սուսաննա Դավթյանի, միաժամանակ տարբեր ոլորտների (մտավոր, ֆիզիկական և զգայական) գործողություններ կատարելը՝ օրինակ՝ մոտորիկան աշխատեցնելը, երաժշտական ռիթմն ու մեղեդին ընկալելը խթանում են գլխուղեղի երկու կիսագնդերի միջև կապերի ակտիվացումը և զարգացումը։ Սա իր հերթին ազդում է տրամաբանական մտածողության, ընթերցանության, ուշադրության, հիշողության, երևակայության, մոտորիկայի, տեսաշարժողական կոորդինացիայի, միմյանց հետ համագործակցելու և մյուսներին զգալու վրա։
