Բրիտանական GLF դպրոցները որոշել են ներդնել նոր տեխնոլոգիա բջջային հեռախոսների օգտագործման վերահսկման նպատակով:

Բջջային հեռախոսների վերահսկման տեխնոլոգիայի փորձարկման նպատակն է աշակերտների բարեկեցությանն աջակցելը: Նախաձեռնությունը, որն իրականացվում է Blackout Technologies-ի հետ համագործակցությամբ, կներառի 7-9-րդ դասարանների բոլոր աշակերտներին։

Բրիտանացիները հետևողկանորեն ընդգծում են, որ վերջին տարիներին սմարթֆոնների օգտագործման սահմանափակումը կարևոր է՝ կապված անհանգստության մակարդակի բարձրացման, ուշադրության կենտրոնացման նվազման ու քնի ռեժիմի խանգարման հետ։

Սա հատկապես ընդգծվել է The Anxious Generation գրքում և վերջերս հրապարակված վավերագրական ֆիլմերում։ Թեև GLF դպրոցներում հեռախոսների օգտագործման հետ կապված առանձնահատուկ խնդիր չի նկատվել, այս ծրագիրը նպատակ ունի խթանել առողջ սովորույթներ աշակերտների շրջանում։

Blackout-ը նորարարական բջջային հավելված է, որն արգելափակում է աշակերտների սոցիալական մեդիան խաղերը և գաղտնագրված հաղորդագրությունների հարթակները:

Միևնույն ժամանակ, հավելվածը թույլ է տալիս օգտագործել անհրաժեշտ գործառույթները՝ զանգեր, SMS հաղորդագրություններ, քարտեզներ և օրացույց
Դպրոցական ժամերին հավելվածը կանջատի տեսախցիկն ու ձայնագրիչը, կանխելով ավելորդ օգտագործումը։

Ծրագրի ակնկալվող արդյունքներն են՝

Ծրագրի ազդեցությունը կգնահատվի հարցումների միջոցով, որոնց կմասնակցեն աշակերտները, ծնողները և ուսուցիչները։ Գլխավոր չափորոշիչները կլինեն ուշադրության բարելավումը, խանգարումների նվազումը և ընդհանուր բարեկեցության բարձրացումը։

Եթե ծրագիրը ցույց տա դրական արդյունքներ, հնարավոր է, որ այն ընդլայնվի ավելի լայն շրջանակում։