«Հանրակրթություն» ծրագրով ՀՀ պետբյուջեի միջոցներով 2021-2024 թվականներին իրականացվել է 16 հանրապետական և 7 միջազգային օլիմպիադա: Մասնակցել են 5-12-րդ դասարանների սովորողները։

Միջազգային առարկայական օլիմպիադաներում մեդալակիրները, ըստ արդյունքային ցուցանիշի, 2021 թվականին եղել են 19-ը, 2022-ին՝ 21-ը, 2023-ին՝ 19-ը, իսկ 2024-ին՝ 15-ը։

Օլիմպիադաները անցկացվում են 3 փուլով՝ դպրոցական, մարզային և հանրապետական։

Հանրակրթության ծրագրի բյուջեից 2021 թվականին 29 մլն դրամ ուղղվել է դպրոցականների օլիմպիադաների անցկացում միջոցառմանը, 2022-ին՝ 43,1 մլն. դրամ, 2023-ին՝ 56 մլն․ դրամ, իսկ 2024-ին՝ 58 մլն. դրամ։

Միջոցառումը նպատակ ունի հայտնաբերել օժտված երեխաներին, խրախուսել, ազգային թիմեր ձևավորել, պատրաստել միջազգային օլիմպիադաների մասնակիցներ։

Օլիմպիդաների առարկաներն են՝ հայոց լեզու, գրականություն, մաթեմատիկա, բնագիտական առարկաներ (ֆիզիկա, քիմիա, կենսաբանություն, աշխարհագրություն, աստղագիտություն), օտար լեզուներ (անգլերեն, ռուսերեն, ֆրանսերեն, գերմաներեն), պատմություն, ինֆորմատիկա, նախնական զինվորական պատրաստություն և հայոց եկեղեցու պատմություն։

Էլենա Հարությունյան