Ավելի շատ սպորտ և ներդրումներ՝ ավագ դպրոցում և կվերականգնվի երեխաների հետաքրքրվածությունը դպրոցի նկատմամբ։ BBC-ի փոխանցմամբ, նշված է Մեծ Բրիտանիայի Սոցիալական արդարության կենտրոնի զեկույցում։

Ըստ բրիտանական կենտրոնի տվյալների, 5 երեխայից մեկը կանոնավոր կերպով բացակայում է դասերից։ Ծնողներն արդեն շատ դեպքերում սովորական են համարում երեխաների դպրոց չհաճախելը։

Մեծ Բրիտանիայի կրթության դեպարտամենտը հայտարարել է, որ ծնողները պետք է ապահովեն երեխաների հաճախելիությունը՝ դպրոց։ Մասնագետները պարզել են, որ դպրոց գնալու ակտիվությունը կիսով չափ կրճատվել է Կորոնավիրուսից հետո․ նախկինում դպրոց կանոնավոր չէր հաճախում յուրաքանչյուր 10 երեխայից 1-ը։

Զեկույցի հեղինակները վստահ են, որ երեխաներին դպրոցում մեծապես կգրավեն սպորտը, ակտիվ խաղերը ինչպես ֆիզիկական ակտիվության ապահովման, այնպես էլ հոգեբանական վիճակի բարելավման տեսանկյունից։

Կրթության տեսչական մարմնի ղեկավար Մարտին Օլիվերն ասել է, որ երեխաների կանոնավոր բացակայությունն էականորեն նվազեցնում է ուսուցման որակը։ Եթե ունես 30 աշակերտ, մի օր բացակա է 5-ը, հաջորդ օրը՝ մյուս 5-ը, ապա դա խանգարում է ոչ միայն այդ օրվա բացակայողներին, այլև՝ մյուսներին,- եզրափակել է Կրթության տեսչական մարմնի ղեկավարը։