Ավստրալացի ուսանողների քաղաքացիական կրթության մասին ըմբռնումը ռեկորդային ցածր մակարդակի է. պարզվել է թեստավորմամբ:

Guardian Australia-ի փոխանցմամբ, Ավստրալիայի ուսումնական պլանի, գնահատման և հաշվետվության մարմնի (Acara) նախաձեռնած թեստի արդյունքներով, 6-րդ դասարանի աշակերտների 43%-ն է համապատասխանում քաղաքացիական կրթության համար սահմանված չափանիշներին: 2019-ին 53%-ն էր ճիշտ պատասխանել թեստերին:

Ավելի վատ ցուցանիշներ են արձանագրվել 10-րդ դասարանի աշակերտների՝ քաղաքացիական կրթության վերաբերյալ թեստերի արդյունքների վերլուծությամբ: 2024 թվականին ընդամենը 28%-ն է համապատասխանել կրթական չափորոշիչերով սահմանված մակարդակին: 2019-ին աշակերտների 38%-ի գիտելիքներն էին համապատասխանել կրթական չափորոշիչներով սահմանված տվյալներին:

Ավստրալիայի խորհրդարանական հանձնաժողովի գնահատմամբ, այս տվյալները վկայում են 2004-ից ի վեր արձանագրված ամենացածր պատկերի մասին:

Այդ իսկ պատճառով խորհրդարանական հանձնաժողովն առաջարկել է ներդնել պարտադիր քաղաքացիական ուսումնական ծրագիր՝ ներառելով ընտությունների, դրանց կարգերի, պետական կառավարման, մեդիագրագիտության, թվային գրագիտության, շրջակա միջավայրի պահպանության և այլ ոլորտների վերաբերյալ թեմաներ:

Թեստերից մեկով ձևակերպված հարցերն, օրինակ, հետևյալն են եղել.

Ո՞րը կլինի տեղական ավագանու խնդիրը: