Լուսանկարը՝ Սինգապուրի գիտության կենտրոնի կայքից
Չինաստանցի սովորողները նախընտրում են բուհական կրթություն ստանալ Սինգապուրում։ Առանձնակի մրցակցություն կա STEM ոլորտներում։
Աշխուժությունը կապված է Սինգապուրի Smart Nation 2025 նախաձեռնության հետ՝ տասնամյա ծրագիր, որը նպատակ ունի ներգրավելու և զարգացնելու բարձր տեխնոլոգիական տաղանդներ՝ համակարգչային ինժեներներ, ծրագրավորողներ և տվյալների վերլուծաբաններ:
Նոր զարգացող ոլորտներն, ինչպիսիք են արհեստական ինտելեկտը, տվյալների գիտությունը և մեքենայական ուսուցումը, համապատասխանել են ինչպես Սինգապուրի ռազմավարական կարիքներին, այնպես էլ Չինաստանի ուսանողների շրջանում STEM կրթությանը ավելացող հետաքրքրությանը, նշվում է զեկույցում:
Զեկույցը նաև ներկայացնում է ուսման և բնակության ծախսերի մանրամասն վերլուծություն։ Բակալավրիատի ծրագրերը սովորաբար տևում են 3-4 տարի, իսկ ուսման վարձերը տարեկան տատանվում են 120.000-ից 250.000 յուան (16.500 34.450 դոլար):
Մագիստրոսի ծրագրերը տևում են 1-2 տարի, իսկ ուսման վարձերը տատանվում են 180.000-ից 350.000 յուան՝ տարեկան: Բնակության ծախսերը տարեկան գնահատվում են 80,000-ից 100,000 յուան:
Սինգապուրը նաև դարձել է չինական ընկերությունների նախընտրելի նպատակակետ, որոնք ընդլայնվում են գլոբալ մակարդակում։ Այս հանգամանքն ուսանողների համար ապահովում է առատ կրթաթոշակների և աշխատատեղերի հնարավորություններ:
