Ամփոփվել են 2024-2025 ուսումնական տարվա ԲՈՒՀ-երի ընդունելության միասնական քննությունների առաջին փուլի արդյունքները։
Ըստ ԿԳՄՍ նախարարության հրապարակած տվյալների՝ միասնական քննությունների 1-ին՝ ձմեռային փուլին հունվարի 20-ից մինչև փետրվարի 4-ը մասնակցել է 9604 դիմորդ:
«Հայոց լեզու և հայ գրականություն» առարկայի քննությանը մասնակցել է 3211 դիմորդ: Միջին միավորը եղել է 11․09: Դրական միավորի շեմը չի հաղթահարել 589 դիմորդ (մասնակիցների 18,3%-ը), 18-20 միավոր է հավաքել 183-ը (5,7%)։
«Քիմիայի» քննությունից 1034-ի միջին միավորը եղել է 10.46: Դրական միավորի շեմը չի հաղթահարել 345 դիմորդ (մասնակիցների 33,4%-ը), 18-20 միավոր է հավաքել 121-ը (11,7%)։
«Աշխարհագրության» քննությանը հայտագրված 56 դիմորդի միջին միավորը եղել է 11: Դրական միավորի շեմը չի հաղթահարել 10 դիմորդ (մասնակիցների 17,9%-ը), 18-20 միավոր է հավաքել 1-ը (1,8%)։
«Անգլերենի» քննությանը մասնակցած 4983-ի միջին միավորը եղել է 12.85: Դրական միավորի շեմը չի հաղթահարել 842 դիմորդ (մասնակիցների 16,9%-ը), 18-20 միավոր է հավաքել 872-ը (17,5%)։
«Գերմաներենի» քննությանը մասնակցած 30 դիմորդի միջին միավորը եղել է 13․84։ Դրական միավորի շեմը չի հաղթահարել 4 դիմորդ (մասնակիցների 13,3%-ը), 18-20 միավոր է հավաքել 2-ը (6,7%)։
«Ֆրանսերենի» քննությանը մասնակցած 31 դիմորդի միջին գնահատականը՝ 12.19: Դրական միավորի շեմը չի հաղթահարել 5 դիմորդ (մասնակիցների 16,1%-ը), 18-20 միավոր է հավաքել 4-ը (12,9%)։
«Իսպաներենի» քննությանը հայտագրվել է 1 դիմորդ, քննությանը մասնակցել է 1-ը: Միավորը՝ 16.75:
«Ֆիզիկայից» քննություն է հանձնել 818-ը: Միջին միավորը՝ 10.64: Դրական միավորի շեմը չի հաղթահարել 245 դիմորդ (մասնակիցների 30%-ը), 18-20 միավոր է հավաքել 79-ը (9,7%)։
«Հայոց պատմության» առարկայի քննությանը մասնակցել է 1059-ը: Միջին միավորը եղել է 11.51: Դրական միավորի շեմը չի հաղթահարել 263 դիմորդ (մասնակիցների 24,8%-ը), 18-20 միավոր է հավաքել 147-ը (13,9%)։
«Մաթեմատիկայի» քննությանը մասնակցած 4100 դիմորդի միջին միավորը եղել է 10.51: Դրական միավորի շեմը չի հաղթահարել 1023 դիմորդ (մասնակիցների 24,95%-ը), 18-20 միավոր է հավաքել 269-ը (6,6%)։
«Կենսաբանության» քննություն հանձնած 1191 դիմորդի միջին միավորը՝ 12․09: Դրական միավորի շեմը չի հաղթահարել 283 դիմորդ (մասնակիցների 23,8%-ը), 18-20 միավոր է հավաքել 217-ը (18,2%)։
«Ռուսաց լեզու» առարկայի քննությանը մասնակցել է 141-ը: Միջին միավորը եղել է 10.29: Դրական միավորի շեմը չի հաղթահարել 38 դիմորդ (մասնակիցների 26,95%-ը), 18-20 միավոր է հավաքել 3-ը (2,1%)։
Նոր մեկնաբանություն