«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
Լուսանկարը պատրաստել է Աննա Գրիգորյանը
ՀՀ կառավարության 06.08.2026 թ. նիստում ՀՀ վարչապետ Նիկոլ Փաշինյանը ահազանգ հնչեցրեց, որ այս տարվա ընդունելության քննությունների ժամանակ անբավարար գնահատականներ ստացած դիմորդների թիվը նախորդ տարվա համեմատ զգալի աճել է։ Վարչապետը նաև նշեց, որ կրթական բարեփոխումների իրականացման ընթացքում «շատ են գնացել կոմպրոմիսների» և ընդգծեց, որ անհրաժեշտ է ավելի վճռական ու հատու քայլեր ձեռնարկել։
Գնահատման և թեստավորման կենտրոնի ամփոփվող տվյալներով, այս տարի բուհական համակարգի ընդունելության քննություններին դիմել է 15 680 հոգի։ 3200 դիմորդ անբավարար գնահատական է ստացել՝ 7.5 միավորից ցածր։ Նախորդ տարի անբավարար ստացողները 2500 – ն են եղել։ Ըստ ԳԹԿ – ի, դա նշանակում է՝ թեստի 80 առաջադրանքից 50 – ից ավելի սխալ են արել։
Միաժամանակ, ՀՀ պետական բյուջեի տվյալների վերլուծությունը վկայում է, որ վերջին տարիներին կրթության ոլորտի ֆինանսավորումը զգալի աճել է, այդ թվում՝ կրթության բովանդակության, մեթոդական ապահովման, ուսուցիչների վերապատրաստման և ատեստավորման ծրագրերի ուղղություններով։ Ավելին. եթե 2008-ին 103.5 մլրդ դրամ էր հատկացվել կրթությանը, 2026-ին նախատեսված ծախսը 384.8 մլրդ դրամ է։
Նկատի ունենալով այս իրողությունները, mediaforedu.am -ը դիմել էր ՀՀ վարչապետի գրասենյակին և ՀՀ ԿԳՄՍ նախարարին՝ խնդրելով պատասխանել հարցերին, թե ինչ է նախատեսում կառավարությունը կրթության որակն անբավարար համարելու պայմաններում։ Պատասխանը ստացել ենք ՀՀ ԿԳՄՍՆ փոխնախարար Արաքսիա Սվաջյանից։ Գրավոր հարցերն ու պատասխանները ներկայացնում ենք ամբողջությամբ։
Ամփոփելով՝ հարկ է նշել, որ ներկայում մշակվում է ՀՀ կառավարության նոր հնգամյա ծրագիրը, որի շրջանակում կրթության ոլորտը դիտարկվում է որպես մարդկային կապիտալի զարգացման, երկրի երկարաժամկետ մրցունակության և կայուն զարգացման առանցքային ուղղություն։ Հետևաբար, կրթության որակի բարելավմանն ուղղված առաջիկա միջոցառումներն ու բարեփոխումները նպատակահարմար է դիտարկել նաև նոր կառավարության ծրագրի մշակման համատեքստում՝ դրանք փոխկապակցելով ոլորտի ռազմավարական նպատակների, ակնկալվող արդյունքների և չափելի ցուցանիշների հետ։ Այս կերպ կրթության ոլորտում իրականացվող և նախատեսվող միջոցառումները ձևավորում են փոխկապակցված քաղաքականություն՝ ուղղված ոչ միայն կոնկրետ ուսումնական տարվա կրթական արդյունքների բարելավմանը, այլև կրթական համակարգի երկարաժամկետ արդյունավետության, սովորողների ուսումնառության արդյունքների և կրթության որակի կայուն բարձրացմանը։
Ավստրալիան կարգավորում է դպրոցում ԱԲ կիրառությունը
Լուրեր, Կրթությունն աշխարհում, Միջազգային լուրեր
Հարավային Ավստրալիայում կստեղծվի թագավորական հանձնաժողով, որը կուսումնասիրի արհեստական բանականության ազդեցությունը հասարակության տարբեր ոլորտների վրա՝ հատուկ ուշադրություն դարձնելով կրթությանը։ Իշխանությունները ցանկանում…
