ՅՈՒՆԻՍԵՖ-ը ահազանգում է, որ համաշխարհային մակարդակով կրթության ֆինանսավորման կտրուկ կրճատման պատճառով մոտ 6 միլիոն երեխա մինչև 2026 թվականի ավարտը դուրս կմնա դպրոցից։ ⅓-ը մարդասիրական օգնությունից զուրկ երեխաներն են։

2023-ի համեմատ կրթության ծախսերը նվազել են 3.2 միլիարդ ԱՄՆ դոլարով կամ 24 %-ով քիչ։

«Կրթության ծախսերից յուրաքանչյուր դոլարի կրճատումը զուտ բյուջետային որոշում չէ. խոսքը երեխայի ապագայի մասին է», – հայտարարել է ՅՈւՆԻՍԵՖ–ի գործադիր տնօրեն Քեթրին Ռասելը։ Նա հիշեցրել է. «Կրթությունը, հատկապես արտակարգ իրավիճակներում, հաճախ փրկօղակ է՝ առողջապահության, պաշտպանության և սննդի նման կարևոր ծառայությունների ապահովման հարցերում։ Կրթությունը նաև երեխայի աղքատությունը հաղթահարելու և ավելի լավ կյանք կառուցելու ամենաուժեղ հնարավորությունն է»։

ՅՈւՆԻՍԵՖ-ի վերլուծության մեջ նշվում է, որ Արևմտյան և Կենտրոնական Աֆրիկայում ամենավառ կերպով կարտահայտվի կրթության ծախսերի կրճատումը. այս տարածաշրջանում շուրջ 2 միլիոն երեխա կրթությունից դուրս մնալու վտանգի տակ է։ Մերձավոր Արևելքում և Հյուսիսային Աֆրիկայում ևս վտանգված է շուրջ 1.4 միլիոն երեխայի կրթությունը։ Մյուս տարածաշրջաններում, ևս ըստ վերլուծության, կանխատեսումները հոռետեսական են. կանխատեսվում են զգալի հետընթացներ։