Թվային տեխնոլոգիաներն ու ալգորիթմով աշխատող հարթակները, հատկապես՝ սոցիալական մեդիան ունեն անձի կյանք ներխուժելու, կիբեր բուլինգի ու կրթություն ստանալու վրա ազդելու բացասական ռիսկ։ Այս եզրակացությանն են հանգել UNESCO-ի՝ երեկ հրապարակված գլոբալ կրթության մոնիտորինգի զեկույցի հեղինակները։

ՄԱԿ-ի քաղաքականության ավագ փորձագետ Աննա Դադդիոն ՄԱԿ-ի տեղեկատվական կենտրոնի հետ զրույցում ասել է, որ զեկույցի նպատակն է պարզել տեխնոլոգիայի ազդեցությունը կրթության վրա՝ ըստ սեռային առանձնահատկությունների։ Նա նշել է, որ ըստ զեկույցի, նախորդ տասնամյակների համեմատ սեռային խտրականության ցուցանիշները նվազել են։ Սակայն օնլայն հարթակների վատ ազդեցությունն անհամեմատ ավելի մեծ է աղջիկների դեպքում։

Աննա Դադդիոն ընդգծել է, որ օնլայն հարթակներում աղջիկնրի նկատմամբ դրսևորվող կիբեր բռնությունները բացասական հետք են թողնում նրանց կյանքի որակի վրա։