«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
Լուսանկարը՝ Կրթության տեսչական մարմնի
Արմավիրի մարզի N մանկապարտեզում հնարավոր խախտումների փաստերով Կրթության տեսչական մարմինը հարուցել է վարույթ։
Պարզվել է, որ տնօրենի թափուր պաշտոն զբաղեցնելու համար մրցույթն անցկացնելու մասին որոշում չի ընդունվել, մրցույթ չի հայտարարվել։ Խախտվել է տնօրենի թափուր պաշտոն զբաղեցնելու մրցույթի կարգը։
Պարզվել է նաև, որ մանկապարտեզը չունի կրթական գործունեություն իրականացնելու լիցենզիա:
Բացի այդ, վարույթի ընթացքում հաստատվել են փաստերը, ըստ որոնց տնօրենի ժամանակավոր պաշտոնակատարի համապատասխան հրամաններով որոշ մանկավարժական աշխատողներ ժամանակավորապես ընդունվել են աշխատանքի մինչև օրենքով սահմանված կարգով համապատասխան անձի նշանակվելը, սակայն մանկավարժական աշխատողների թափուր պաշտոնների մրցույթներ չեն հայտարարվել, թափուր պաշտոն առաջանալու մասին գրավոր չի տեղեկացվել լիազոր մարմնին։
Բացի այդ, ժամանակավորապես աշխատանքի ընդունված մանկավարժական աշխատողներից մի քանիսը ընդունման պահին չեն ունեցել համապատասխան կրթություն կամ աշխատանքային ստաժ։
Վարույթի արդյունքում տեսչական մարմնի ղեկավարը համայնքի ղեկավարին և մանկապարտեզի տնօրենի ժամանակավոր պաշտոնակատարին տվել է խախտումները վերացնելու հանձնարարականներ։
Կրթության տեսչական մարմինը հորդորում է խստորեն հետևել գործող օրենսդրության պահանջներին։
