Լուսանկարը՝ Գանայի լրատվական գործակալության կայքից
Գանայում գրանցված հասարակական կազմակերպությունները նախաձեռնել են մեծամասշտաբ միջոցառումներ՝ «Ամեն օր ընտրիր խաղը» կարգախոսով։
Նախաձեռնության կազմակերպիչ Հիլդա Նինֆեան ընդգծել է, որ խաղը երեխաների կյանքում ունի հիմնարար նշանակություն և հենց դա է ապահով ապագայի երաշխիքը։
«Խաղի միջոցով են երեխաները ուսումնասիրում աշխարհը։ Խաղն է ապահովում դիմացկունություն, ստեղծարարություն, ամրապնդում սոցիալական կապերը և դաստիարակում կյանքի հիմնարար հմտությունները»,- ընդգծել է խաղերի կազմակերպիչը՝ խաղը բնութագրելով որպես տիեզերական լեզու, որը պարգևում է ուրախություն, կազդուրում և ստեղծում ընդհանուր բարեկեցության զգացում։
Ֆուտբոլի, վոյելբոլի, պարի, այլ ակտիվ միջոցառումների շնորհիվ միավորվել են ոչ միայն երեխաները, այլև ծնողները, ուսուցիչները, համայնքների առաջնորդները։
Կազմակերպիչները կարևորել են, որ համայնքները ուշադրություն դարձնեն երեխաների խաղի համար անհրաժեշտ պայմաններին, ինչպես նաև դասացուցակներում զգալի տեղ հատկացնեն ֆիզիկական ակտիվությանը և խաղերի կազմակերպմանը։
Նոր մեկնաբանություն