Լուսանկարը՝ Ավստրալիայի ուսուցիչների ֆեդերացիայի կայքից
Ավստրալիայում վարչապետի ընտրության հարցի հիմքում առաջնային նշանակություն է ստացել հանրակրթությունը։
«Հանրակրթությունը մեծ հաղթանակ է տարել վերջին ընտրություններում»,- հայտարարել է Ավստրալիայի ուսուցիչների արհմիության նախագահ Հենրի Ռաջենդրան, որը մեծ գոհունակություն է հայտնել է, որ Պիտեր Դաթթոնի՝ վարչապետ դառնալու հնարավորությունը կասեցվել է, քանի որ նրա ղեկավարած կուսակցությունը պարտություն է կրել։
Guardian պարբերականը փոխանցում է ուսուցչական միավորման ղեկավարի բնորոշումն, ըստ որի՝ Պիտեր Դաթթոնը վարչապետ դառնալու դեպքում Թրամփի նման մշակութային պատերազմ կմղեր հանրային դպրոցների դեմ՝ բավարար ֆինանսավորում ապահովելու փոխարեն։
Ներկա կառավարությունը՝ Ալբանեզի Լեյբորիստական կուսակցությունը, պարտավորվել է լիարժեք ֆինանսավորել հանրային դպրոցները, վերականգնել անվճար մասնագիտական կրթությունը, բարելավել ուսուցիչների աշխատանքային պայմանները և մեղմել ուսանողական պարտքերը։
Նոր մեկնաբանություն