Լուսանկարը՝ ՄՀԿ-ի
2008–2026 թվականների կրթության ոլորտի ֆինանսավորման դինամիկայի վերլուծությունը, ըստ ՀՀ ֆինանսների նախարարության հրապարակած ՀՀ պետական բյուջեի տարեկան հաշվետվությունների, ցույց է տալիս աճի միտում։
2018 տարվա կրթության ոլորտի ֆինանսավորումն, ըստ պաշտոնական տվյալների, ավելացել է մոտ 3.7 անգամ։ Եթե 2008-ին 103.5 մլրդ դրամ էր, 2026-ին նախատեսվում է հասցնել 384.8 մլրդ դրամի։
Ֆինանսավորման դինամիկան եղել է փոփոխական․ 2010 թվականին գրանցվել է ժամանակահատվածի նվազագույն ցուցանիշը՝ 97.8 մլրդ դրամ, 2018 թվականին՝ 121.6 մլրդ դրամ։
2019 թվականից կրթության ոլորտի ֆինանսավորումն աճել է արագացված տեմպերով՝ կապված նոր չափորոշիչների ներդրման և ենթակառուցվածքային ծրագրերի ընդլայնման հետ։
2019–2026 թվականներին կրթության ոլորտի բյուջեն գրանցել է առավել շոշափելի աճ՝ 3 անգամ. եթե 2019-ին կրթության ոլորտի ֆինանսավորումը կազմել է 138.3 մլրդ դրամ, ապա 2024-ին հասել է 257.8 մլրդ դրամի, իսկ 2025 թվականին՝ 324.8 մլրդ դրամի՝ ըստ հաստատված բյուջեի տվյալների։
Հանրակրթության ֆինանսավորումն ընդհանուր կրթական բյուջեի կառուցվածքում պահպանել է հիմնական մասնաբաժինը։ 2008 թվականին այն կազմել է 53.7 մլրդ դրամ, իսկ 2026 թվականին նախատեսվում է հասնել 139.7 մլրդ դրամի՝ գրեթե 2.6 անգամ աճով։
2008-ից ի վեր ամենացածր ցուցանիշն արձանագրվել է 2010 թվականին. կրթության բյուջեն կազմել է 49.9 մլրդ դրամ։ 2018 թվականին բյուջետավորումը եղել է 58,7 մլրդ դրամ, որից հետո սկսվել է կայուն աճը։
2019 թվականից հանրակրթության բյուջեն զգալիորեն ավելացել է՝ 2019–2026 թվականների ընթացքում գրանցելով ավելի քան 76%-ով աճ։
Տնտեսագետ
