Արցախից բռնի տեղահանված երեխաները մարտի 23-ին Նոր Հաճնի N1 դպրոցում իրենց ընկերների հետ ընդգրկվեցին «Մեդիան հանուն կրթության» ՀԿ համահիմնադիրների ու մանկավարժ գործընկերների նախաձեռնությամբ մշակված ստեղծագործական աշխատարանում։

Ծրագրի նպատակը ստեղծարար աշխատանքային պայմաններում երեխաների սոցիալական կապերի ամրապնդումն է։

Հեքիաթային պատմությունը լսելուց հետո երեխաներն իրենց ընտրությամբ ընդգրկվեցին ձեռքի աշխատանքի, նկարչության, կրկեսի, ստվերների թատրոնի և սեղանի խաղերի խմբերում։

Ընդհանուր առմամբ 2 խմբերի աշխատանքներին ներգրավվեց շուրջ 60 երեխա և ավելի քան 10 ծնող։

Միջոցառումներն անցկացվեցին Ֆրիդրիխ Էբերտ հիմնադրամի աջակցությամբ։ Նախատեսվում է նմանատիպ ևս 4 միջոցառում իրականացնել Նոր Հաճն համայնքում։