«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
Լուսանկարը՝ ՄՀԿ–ի
Հունիսի 24-ին Հայաստանի բոլոր մարզերի և Երևանի հանրակրթական դպրոցների 9-րդ դասարանցիներն առաջին անգամ հանձնեցին ինտեգրված էսսեի քննություն պատմությունից և գրականությունից։ Նախորդ երկու տարիներին էսսեի քննությունը փորձարկվել էր միայն Տավուշի մարզում։ Մասնագետների դժգոհությունների և պետական մարմնի գոհունակության ֆոնին mediaforedu.am-ը համապետական քննությունից հետո առցանց հարցում էր նախաձեռնել ուսուցիչների շրջանում՝ պատրաստված լինել – չլինելու և այս նորամուծության վերաբերյալ ուսուցիչների պատկերացումներն ու առաջարկները բացահայտելու նպատակով։
Էսսեի քննության պատկերը
38 ուսուցիչների 31–ը բացասական կամ ավելի շուտ բացասական է գնահատել ինտեգրված էսսեի քննությունը։ Դրական կամ ավելի շուտ դրական դիրքորոշում ունի 2 ուսուցիչ, իսկ մնացած 5 – ը դժվարացել է պատասխանել։
«Ինչպե՞ս եք գնահատում 9 – րդ դասարանի պատմությունից և գրականությունից ինտեգրված էսսեի քննության ձևաչափը» հարցին տրված պատասխանների բաշխվածությունն այսպիսին է․ 18 ուսուցիչ բացասական է գնահատել, 13 ուսուցիչ նախընտրել է «ավելի շուտ բացասական եմ գնահատում» պատասխանը։ 2 ուսուցիչ է տվել «ավելի շատ դրական եմ գնահատում» պատասխանը, իսկ 5 ուսուցիչ նախընտրել է «դժվարանում եմ պատասխանել» տարբերակը։
Աշակերտների պատրաստվածությունը
Հաջորդ հարցն էր՝ աշակերտների մեծ մասը պատրա՞ստ էր այս քննությանը։ Ուշագրավ է, որ հարցվածներից ոչ մի ուսուցիչ չի ընտրել «Այո» պատասխանը։ 23 ուսուցիչ նախընտրել է «ոչ» պատասխանը, 15 ուսուցիչ նշել է, թե աշակերտները մասամբ էին պատրաստ քննությանը։
Մեկնաբանություններ․ աշակերտների գիտելիքը
Ուսուցիչներին խնդրել էինք մեկնաբանել աշակերտների պատրաստվածության վերաբերյալ իրենց պատասխանները․
Էսսեն՝ հաջորդ տարի
Հաջորդ ուսումնական տարում ինտեգրված էսսեի քննության շարունակության վերաբերյալ հարցի պատասխանները բաշխվել են այսպես․ 29 ուսուցիչ միանշանակ պահանջում է հետաձգել և վերանայել քննությունը հաջորդ ուսումնական տարում։ Միայն 3 – ն է տեսնում այն որոշակի փոփոխություններով շարունակելու հնարավորություն։ 6 ուսուցիչ դժարացել է պատասխանել հարցին։
Փոփոխությունների առաջարկներ
Ուսուցիչներին խնդրել էինք նշել, թե էսսեի քննության՝ հաջորդ տարի ևս շարունակվելու դեպքում ի՞նչ փոփոխություններ են առաջարկում։ Այս հարցին տրված պատասխանները՝ նույնությամբ․
Քննության ապագան
Էսսեի քննության՝ հաջորդ տարվա հետաձգման ու վերանայման պատասխանը նախընտրած ուսուցիչներին խնդրել էինք նշել, թե ինչ պայմանների առկայության դեպքում և երբ կարելի է կրկին ներդնել քննությունը։
Պատասխանները՝
Ուսուցիչներին խնդրել էինք գրել նաև իրենց այլ դիտարկումները։
Հարցման մասնակիցներից մեկը նշել է, որ N դպրոցում քննության արդյունքները, իր գնահատմամբ, «ամբողջությամբ կեղծվել են»։
