Այսօր նախատեսված է միասնական քննությունների երկրորդ փուլը Հայոց լեզվից և գրականությունից։

2025 թվականի ընդունելության ընթացքում Հայոց լեզվի և գրականության քննությանը մասնակցելու հայտ էր ներկայացրել 61 դիմորդ։ Անվճար 12 տեղերի անցողիկ շեմը եղել է 31.5 միավոր, նախատեսված էր 38 վճարովի տեղ, իսկ վճարովի ընդունելության անցողիկ շեմը 20 միավորն էր։

Խաչատուր Աբովյանի անվան հայկական պետական մանկավարժական համալսարանում անցյալ տարի հայտ էր ներկայացրել 42 դիմորդ։ Այստեղ 5 անվճար տեղերի անցողիկ շեմը 32 միավորն էր։ Վճարովի 32 տեղերի համար անցողիկ շեմը եղել էր 15.75 միավոր։

2025 թվականին մարզային բուհերում մրցակցությունն ավելի մեղմ է եղել։ Երևանի պետական համալսարանի Իջևանի մասնաճյուղում 8 դիմորդ պայքարել էր 4 անվճար և 3 վճարովի տեղերի համար։ Անվճար ընդունելության անցողիկ շեմը եղել է 23.5, իսկ վճարովիինը՝ 16 միավոր։

Շիրակի Մ. Նալբանդյանի անվան պետական համալսարանում մասնագիտությունն ընտրել էր 11 դիմորդ։ Այստեղ 2 անվճար տեղերի անցողիկ շեմը կազմել էր 29.5 միավոր, իսկ 5 վճարովի տեղերի համար՝ 20 միավոր։

Վանաձորի Հ. Թումանյանի անվան պետական համալսարանում հայտ էր ներկայացրել 12 դիմորդ։ 4 անվճար տեղերի համար անցողիկ շեմը կազմել էր 23 միավոր, իսկ 9 վճարովի տեղերի համար՝ 17.25 միավոր։

Գավառի պետական համալսարանում մասնագիտության համար դիմել էր ընդամենը 2 դիմորդ, մինչդեռ նախատեսված էր 3 անվճար և 3 վճարովի տեղ։ Անվճար ընդունելության անցողիկ շեմը կազմել էր 23.5 միավոր, իսկ վճարովի ընդունելության համար անցողիկ շեմ չէր ձևավորվել, քանի որ վճարովի տեղերի նկատմամբ բավարար պահանջարկ չի եղել։

Գորիսի պետական համալսարանում մասնագիտությունն ընտրել էր 6 դիմորդ։ Այստեղ 2 անվճար տեղերի համար անցողիկ շեմը 18.5 միավորն էր, իսկ 5 վճարովի տեղերի համար՝ 18 միավորը։

Անցյալ տարի «Հայոց լեզու և գրականություն» բաժնի համար հայտ էր ներկայացրել 142 դիմորդ։ Ամենաբարձր անվճար անցողիկ շեմը գրանցվել է Խաչատուր Աբովյանի անվան հայկական պետական մանկավարժական համալսարանում (32 միավոր), որին հաջորդում է Երևանի պետական համալսարանը (31.5 միավոր)։ Մարզային բուհերում և մասնաճյուղերում անցողիկ շեմերը հիմնականում տատանվել են 18.5–29.5 միավորի սահմաններում, իսկ առանձին դեպքերում նույնիսկ չեն ձևավորվել վճարովի ընդունելության շեմեր՝ դիմորդների սակավության պատճառով։