ԱԺ-ում ներկայացնելով 2025 թ. պետական բյուջեի նախագիծը՝ ՀՀ ԿԳՄՍ նախարար Ժաննա Անդերասյանն այսօր հայտարարել է, որ կրթության, գիտության, մշակույթի, երիտասարդության և սպորտի ոլորտներին 2025 թականին նախատեսվում է պետբուջեից տրամադրել 362 մլրդ 600 մլն. դրամ, որը 4.7 տոկոսով գեազանցում է 2024 թ.-ի ծախսերը: 2023-ի համեմատ 2024-ին այս ծախսերն ավելի են եղել 38 տոկոսով:

«Մենք տեսնում ենք, որ այս ոլորտի նախատեսված ծախսի շարունակական աճի միտումը պահպանվում է և դա հնարավորություն է տալիս, որ մենք ավելի մեծ թափով իրականացնենք բարեփոխումները, որոնք ընթանում են տարբեր ուղղություններով»,- ասել է նախարարը:

300 դպրոց, 500 մանկապարտեզի վերաբերյալ ծրագրին անդրադառնալով՝ նախարարը նշեց, որ 1991-2017 թվականներին ՀՀ-ում կառուցվել է 192 դպրոց (հիմնականում աղետի գոտում), իսկ 2021-2024-ին 223 դպրոց է կառուցվում կամ հիմնանորոգվում: Ընդ որում, այս դպրոցներից 183-ը կառուցվում են հիմքից: Ըստ նախարարի՝ շահառու է 72 հազար աշակերտ: Ժաննա Անդրեասյանի հրապարակած տվյալով, շահառու երեխաների թիվը նոր դպրոցների կառուցման փուլի ավարտին կհասնի 100.000-ի: «Սա մեր երկրի սովորողների 25 տոկոսն է»,- ասաց նախարարը:

500 մանկապարտեզի կառուցման ծրագրի տվյալներն ամփոփելով՝ նախարարը հիշեցրեց, որ կառավարությունը վերջերս հաստատել էր 364 դպրոցների ցանկը, 157-ում արդեն ավարտվել են աշխատանքները. 14 500 երեխա, ըստ պաշտոնական հայտարարության, հաճախում է նոր մանկապարտեզ, մնացած շենքերի շինարարությունն ընթացքի մեջ է:

Ժաննա Անդրեասյանի տեղեկացմամբ, 244 բնակավայրերում նախակրթարաններ չկան: Մինչև 10 երեխա ունեցող բնակավայրերում պետք է կիրառվեն այլընտրանքային մոդելներ կամ տրանսպորտային միջոցների ապահովմամբ երեխաները կկարղանան գնալ մանկապարտեզ: 10-50 երեխա ունեցող բնակավայրերում կներդրվեն նախակրթարաններ: 50-ից ավելի երեխա ունեցող բնակավայրերից 14-ում չկան նախնական հանրակրթական հաստատություններ:

«Այս տարի 648 դպրոցներում բնագիտական լաբորատորիաները ձևավորվել են կամ ձևավորման վերջին փուլում են»,- ասաց Ժանա Ադերասյանն ու ավելացրեց, որ մինչև տարեվերջ 648 լաբորատորիաները կգործեն: Նախարարի պնդմամբ, 28 դպրոցի լաբորատրիաների սարքերի մատակարարումն իրականացված է:

Շենքային և գույքային միասնական ստանդարտների հարցը, ըստ Ժաննա Անդրեսյանի, լուծվում է:

Որքանով են այդ պայմանները նպաստում որակյալ կրթության իրականացմանը, բոլորովին այլ անդրադարձի արժանի թեմա է: