Մամուլի ազատության համաշխարհային օրվա կապակցությամբ Լրատվամիջոցների շահերի պաշտպանության կոալիցիան մրցանակի արժանացրեց «Ազատություն» ռ/կ հայկական ծառայության տնօրեն Հեղինե Բունիաթյանին։ Մրցանակը տրվեց որակյալ լրագրության նպաստելու համար։ 

 «Մամուլի ազատության մրցանակ»-ը հանձնեց Առավոտ թերթի գլխավոր խմբագիր Արամ Աբրահամյանը։ «Երբ ասում ենք որակյալ լրագրություն հասկանում ենք, որ լրագրողն անգամ մի քանի օր է ծախսում իր նյութը պատրաստելու համար։ Հեղինեի բոլոր նյութերում նկատելի է հսկայական ու շատ խնամքով արված աշխատանք։ Դրանք համապատասխանում են լրագրողական բոլոր ստանդարտներին»,- ասաց Արամ Աբրահամյանը։