Լուսանկարը՝ Japantimes-ի
Ճապոնիայի կրթության նախարարը հայտարարել է, որ հանրակրթական դպրոցների ուսուցիչներին ամբողջությամբ կազատի մասնագիտական կարողությունների զարգացման նպատակով կրթական բոլոր ծրագրերի ծախսերից։ Այս քաղաքականությունը վերաբերում է պետական ու մասնավոր դպրոցների այն ուսուցիչներին, որոնք ունեն բարձրագույն կրթություն ու մինչեւ 2025 թ. կանցնեն գիտելիքների ստուգման գործընթացը։ Գրում է Japantimes-ը։
Մենք հանձնառու ենք կատարելագործել բարձրագույն կրթություն ունեցող ուսուցիչների կարգավիճակը,- հայտարարել է Ճապոնիայի կրթության նախարար Մասահիտո Մորիյաման։
Նա ասել է, որ պետությունը պատրաստ է ավելի մեծ թվով ուսումնական ծրագրեր ֆինանսավորել, որպեսզի լուծվի ուսուցիչների թափուր տեղերի հարցը։
Կառավարության աշխատակազմի բարձրաստիճան ներկայացուցիչներից մեկը, սակայն, տարակուսանք է հայտնել, թե ինչու պետք է բարձրագույն կրթություն ստացած ուսուցիչների դեպքում լրացուցիչ պատրաստության կարիք լինի։
Ավելի վաղ Ճապոնիայի կառավարությունն անթույլատրելի էր համարում ոչ մանկավարժական կրթություն ունեցողներին դպրոց ընդունելը։ Սակայն ավելի ուշ պետությունն ուսուցիչների ոչ բավարար քանակի պայմաններում որոշեց առարկայագետներին խրախուսել մանկավարժական կրթության հարցում։
