Լուսանկարը՝ Guardian-ի
Բրիտանիայում ծավալված՝ «Սմարթֆոններից ազատ մանկություն» քարոզարշավային խմբի ղեկավար Ջո Ռայրին BBC-ի հետ զրույցում «որոշ չափով զարմանալի» է համարել հրապարակված զեկույցը, որի հեղինակները եզրակացրել են՝ պետք է առավել համապարփակ մոտեցում ցուցաբերել երեխաներին բջջային հեռախոսներից հեռու պահելու հարցում:
Ըստ հետազոտության, սմարթֆոնների առջև անցկացրած հավելյալ ժամանակն ավելի բացասաբար է ազդում սովորողների հոգեկան առողջության, դասարանում վարքի, ֆիզիկական ակտիվության և քնի ռեժիմի վրա։
Բրիտանական Guardian պարբերականը ուշադրություն է հրավիրում հետազոտության առանցքային նշանակությանը՝ գրելով․ «Այս ուսումնասիրությունն այդպիսով լրացուցիչ ապացույցներ է տրամադրում սմարթֆոնների և սոցիալական մեդիայի օգտագործման ավելացման բացասական հետևանքների մասին, և որ հեռախոսների ու սոցիալական մեդիայի օգտագործման նվազեցումը կարևոր է»։
Հետազոտության հեղինակները նաև ընդգծշում են. «Հեռախոսների/սոցիալական մեդիայի օգտագործման կրճատմանը միտված միջամտությունները կարող են դրական ազդեցություն ունենալ դեռահասների հոգեկան բարեկեցության վրա, սակայն պետք է համատեղ դիտարկել ինչպես դպրոցում, այնպես էլ դրանից դուրս օգտագործումը»։
Ըստ զեկույցի, սա հասարակական լուրջ խնդիր է, որը պահանջում է ծնողների, դպրոցների և կառավարության շտապ ուշադրությունը։
Նոր մեկնաբանություն