«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
Լուսանկարը՝ ՄՀԿ -ի
«Երեխաների հասանելիությունը հեռախոսներին ու համացանցին վտանգավոր է, քանի որ նրանք հավատում են այն ամենին, ինչ տեսնում են։ Դեռ չունեն այդ կարողությունները, որ տարբերակեն կեղծիքն իրականությունից»։
Մեդիագրագիտության շաբաթի շրջանակներում կազմակերպված «Գաղափարներ, որ հիմա են պետք» ուսուցչական ֆորումի ժամանակ այս միտքն ընդգծեց Եվրոպական հանձնաժողովի ծրագրերով մեդիագրագիտության դասընթացավար Արմինաս Վարանաուսկասը։
Ըստ փորձագետի, արհեստական բանականության զարգացմանը զուգահեռ ահագնանում են երեխաների հետ կապված վտանգները։
«Կարևոր է այդ մասին աշակերտների մեջ զգուշավորություն սերմանող թեմաներով խոսելը։ Ընդ որում, ոչ թե պիտի ասենք՝ մի շփվեք, այլ պետք է ասել, որ եթե ինչ-որ կասկածելի բաներ կան, օրինակ, ծնողներից բանկային քարտեր խնդրելը, սեռական ոտնձգությունները, պետք է իմանաք, որ կան նման տարածված խաբեություններ»։
Փորձագետն անդրադարձավ մեդիագրագիտության ինտեգրմանը, խաղի միջոցով գիտելիք տալուն, նոր գործիքների կիրառմանը և մեթոդաբանությանը։
