Լուսանկարը՝ ՄՀԿ -ի
Մեդիագրագիտության շաբաթի շրջանակներում կազմակերպված «Գաղափարներ, որ հիմա են պետք» ուսուցչական ֆորումի ժամանակ մեդիագրագիտության դասավանդման իր փորձն ուսուցիչներին փոխանցեց Երևանի Ալ․ Բլոկի անվան դպրոցի հասարակագիտության և շախմատի ուսուցիչ Լուսինե Գևորգյանը։
Հանրակրթության ոլորտում տեղի են ունենում փոփոխություններ և մեդիագրագիտությունը ինտեգրվում է գրեթե բոլոր առարկաների մեջ։ Առաջին ուղղությունը վերաբերում է երեխաների դիմադրողականության ուժեղացմանը. դա արտահայտվում է մեդիականոնները փոխանցելով։ Ուսուցիչը մեդիագրագիտության ոլորտում իր փորձառությունը ներկայացնելիս ընդգծեց նաև երեխաների վերլուծական կարողությունների ու քննադատական մտածողության զարգացման՝ հարցեր ձևակերպելու կարողությունների զարգացումը։
Լուսինե Գևորգյանը մեդիագրագիտության դասավանդման իր 4 տարվա փորձն ամփոփելով՝ ընդգծեց «Մեդիամոնոպոլիա» և «Մեդիաորոնում» խաղերի կարևորությունը։
Մեդիագրագիտության շաբաթն իրականացնում է Մեդիա նախաձեռնությունների կենտրոնը ԿԳՄՍ նախարարության հետ արդեն 7-րդ տարին։
Նոր մեկնաբանություն