ՀՀ կրթության տեսչական մարմնի ղեկավար Վաղարշակ Մատիկյանը և հանրակրթության վարչության պետ Սուրեն Ավետիսյանը հանդիպել են Արարատի մարզի ուսումնական հաստատությունների ծնողական համայնքների ներկայացուցիչների հետ՝ քննարկելու ուսումնական գործընթացում առկա խնդիրներն ու լսելու ծնողների առաջարկները։ Տեղեկացնում է տեսչական մարմինը:

Հանդիպմանը մասնակցել են Արարատի մարզի մոտ 80 ուսումնական հաստատությունների ծնողական համայնքների ներկայացուցիչներ և Արարատի մարզպետի աշխատակազմի կրթության, մշակույթի և սպորտի վարչության պետ Մարտին Մանուկյանը։

Քննարկվել է ուսումնական ծրագրերի բարելավման անհրաժեշտությունը։

Անդրադարձ է եղել նաև ծնողական խորհուրդների դերի կարևորությանը և դրանց աշխատանքի ընթացակարգին, նաև՝ երեխաների ուսման գործընթացում ծնողների ներգրավվածության ընդլայնմանը՝ ծնողական խորհուրդների կազմակերպած աշխատանքի շրջանակում։

Ծնողական համայնքների ներկայացուցիչները ներկայացրել են մի շարք կառուցողական առաջարկներ։