Ամերիկացի երեխաների ֆիզիկական ակտիվությունը վերջին 40 տարիներին կտրուկ նվազել է՝ բերելով մարմնական ու հոգեկան առողջության խնդիրների աճի: Նշված է օրերս հրապարակված «Ամերիկան կրկին դարձնել առողջ» կարգախոսով ձևավորված հանձնաժողովի զեկույցում։

ԱՄՆ նախագահի հրամանագրով կազմավորված հանձնաժողովն ուշադրություն է հրավիրում հանգամանքին, որ 2020 թ․ տվյալներով, 12-15 տարեկան երեխաների գրեթե 60%-ը չունի առողջ կարդիորեսպիրատորիկ ֆիթնես:

ԱՄՆ 14 բարձրաստիճան պաշտոնյաների աշխատանքի համատեղ ամփոփման մեջ ընդգծվում է, որ տարեցտարի ավելի շատ երեխաներ չեն համապատասխանել օրական ֆիզիկական ակտիվության նվազագույն պահանջին (6-17 տարեկանների 70%-ը, իսկ դեռահասների 85%-ը):

Նշվում է, որ մանկապարտեզների ճանապարհին քայլելու կամ հեծանիվ վարելու ցուցանիշը 1969-ից ի վեր անկում է ապրել՝ 48%-ից իջնելով մինչև 12.7% 2009-ին: Իսկ դպրոցներում մարմնամարզության ու խաղալու ժամերը նվազել են՝ ազդելով ֆիզիկական ակտիվության վրա: