Լուսանկարը՝ ԱՄՆ կրթության դեպարտամենտի
ԱՄՆ կրթության դեպարտամենտը բոլոր նահանգների դպրոցներին կոչ է արել ընդունել բջջային հեռախոսի օգտագործման կանոնակարգ:
Դեպարտամենտի հաղորդմամբ, դպրոցներին ուղղված շրջաբերականում ընդգծված է լավ մտածված կանոնակարգերի անհրաժեշտությունը:
Նշված է, որ հակառակ դեպքում բջջային հեռախոսների միջոցով սոցիալական մեդիայում ակտիվությունը վտանգավոր է երեխաների հոգեկան առողջության համար:
«Այս թվային դարաշրջանում յուրաքանչյուր կրտսեր, միջին և ավագ դպրոց պետք է ունենա հստակ, կայուն և հետազոտությունների վրա հիմնված կանոնակարգ, որը կսահմանի դպրոցում բջջային հեռախոսների կիրառության օրենքները»,- գրավոր ուղերձում նշել է ԱՄՆ կրթության դեպարտամենտի քարտուղար Միգել Քարթոնան:
