Լուսանկարը` UNESCO-ի կայքից
ՅՈւՆԵՍԿՕ-ի նախաձեռնությամբ և ՄԱԿ-ի Փախստականների հարցերով գերագույն հանձնակատարի գրասենյակի, ԵՄ, ՅՈՒՆԻՍԵՖ-ի Տնտեսական համագործակցության և զարգացման կազմակերպության (ՏՀԶԿ) ու Եվրոպայի խորհդի համագործակցությամբ ամփոփվել է Ուկրաինայից տեղահանված երեխաների կրթության իրավիճակը՝ ԵՄ երկրներում:
Եվրահանձնաժողովի կայքում հրապարակված տեղեկատվության համաձայն, Ուկրաինայից տեղահանված երեխաների շուրջ 79 %-ը արդեն ներգրավված է հյուրընկալող երկրների դպրոցական համակարգում։ Լեզվական խոչընդոտներ ունեցողները, հաշմանդամություն ունեցողները և վերջերս ժամանածները կրթությունից դուրս մնալու ավելի մեծ ռիսկի տակ են։
Երեխաների 29 %-ը, ըստ ամփոփված տվյալների, միաժամանակ հաճախում է և՛ տեղի դպրոց, և՛ ուսում ստանում Ուկրաինայի առցանց ծրագրերով։
ԵՄ-ն կոչ է անում խորացնել տվյալներ հավաքելու գործընթացը և երկրների միջև փորձի փոխանակումը՝ այդպիսով նպաստելով կրթական համակարգերն առավել ներառական դարձնելուն։
