Թայլանդում ավագ դպրոցի աշակերտները զվարճանքով ուսումնասիրում են մոծակների ձվադրման ընթացքը: Սա կապվում է կլիմայի փոփոխության հետ:

Առողջապահության համաշխարհային կազմակերպության տվյալներով, վերջին 20 տարում մոծակներից վարակվելու դեպքերը 500 հազարից հասել են 5 միլիոն 200 հազարի: Սա հիմք է հանդիսացել, որ UNICEF-ը նախաձեռնի գիտության, տեխնոլոգիայի, ինժեներության ու մաթեմատիկայի վրա հիմնված դասընթացներ՝ Թայլանդի կրթակարգի բարեփոխման միտումով։

Թայլանդի կրթության նախարարության ներկայացուցիչն ասել է, որ այս նախաձեռնության բուն նպատակը սահմանափակ հնարավորություններ ունեցող գյուղական դպրոցներում 21-րդ դարին համապատասխան գիտելիք ունեցող մարդկային ռեսուրսի ապահովումն է:

Բնագիտական առարկաների ուսումնասիրության հարցում հատուկ նշանակություն ունի աղջիկների ներգրավումը: Հիմքում պաշտոնական տվյալներն են. գիտության ոլորտում 4.6 մլն աշխատակից ունեցող Թայլանդում միայն 1 միլիոն 440 հազարն է կին: