Լուսանկարը՝ Politico-ի
ԱՄՆ նախագահ Դոնալդ Թրամփը և նրա դաշնակիցները, այդ թվում՝ կրթության դեպարտամենտի նախկին ղեկավար Բեթսի Դևոսը, կրկին պահանջում են լուծարել Կրթության դեպարտամենտը։ Պնդում են, թե այն դարձել է «պրոգրեսիվների զենք» և պետական բյուջեի անարդյունավետ ծախս: Գրում է Politico-ն։
Դևոսը նշել է, որ դեպարտամենտը «գործնականում ոչ մի կապ չունի կրթության հետ» և պետք է վերացվի:
Սպիտակ տան մամուլի խոսնակը հաստատել է, որ վարչակազմը քննարկում է դեպարտամենտի կրճատման կամ ամբողջական լուծարման տարբերակները:
CNN-ը օրերս փոխանցել էր Թրամփի պաշտոնանկության կոչը դեպարտամենտի ներկայիս ղեկավարին։ Տեղեկացրել էր, որ արդեն մշակվում են օրենսդրական նախագծեր 1979 թվականին հիմնադրված, 12 հազար անվճար դպրոցների գործունեության վերաբերյալ պարտավորություններ ունեցող դեպարտամենտի լուծարման նպատակով։
Իլոն Մասկի հրահանգով «Կառավարության արդյունավետության վարչության» ներկայացուցիչները հայտնվել են դեպարտամենտում, ուսումնասիրել տվյալներն ու գործառույթները:
Ամերիկյան կրթական համակարգի արդյունավետության վերաբերյալ դժգոհությունները կրկին սրվել են՝ պայմանավորված ազգային ուսումնական գնահատման վերջին տվյալներով, որոնք ցույց են տալիս աշակերտների հետընթացը ընթերցանության և մաթեմատիկայի ոլորտներում:
Նոր մեկնաբանություն