Հանրակրթության պետական կրթական չափորոշի (ՀՊՉ) մշակումը, վերանայումը, ըստ 2021 թ. բյուջետային փաստաթղթերի, սկսել է իրականացվել «Կրթության որակի ապահովում» ծրագրով՝ «Կրթության բովանդակային և մեթոդական սպասարկում» միջոցառմամբ։

Պետական չափորոշիչի ներդրումից սկսած՝ միջոցառմանն ուղղված բյուջետային ֆինանսավորումն աճել է, և միայն 2024 թվականին, ըստ տարեկան ճշտված պլանի, նվազում է գրացվել: Սակայն 2025 թվականին նախատեսվում է ֆինանսավորման աճ։

2021 թվականին «Կրթության բովանդակային և մեթոդական սպասարկում» միջոցառմանն ուղղվել է 201․9 մլն դրամ, 2022 թվականին՝ 292․2 մլն դրամ, 2023 թվականին՝ 401․7 մլն դրամ, 2024 թվականի տարեկան ճշտված պլանով՝ 341․7 մլն դրամ, իսկ 2025 թվականին նախատեսվում է ծախսել 543․2 մլն դրամ։

2023 թվականին, ըստ բյուջետային փաստաթղթերի, Տավուշի մարզի հանրակրթական դպրոցների 1-ին, 4-րդ, 9-րդ և 12-րդ դասարանների համար ՀՊՉ – ին համապատասխան ուսումնական 56 անուն նյութ է մշակվել և տպագրվել, վերապատրաստվել է 170 ուսուցիչ։

Միջոցառման նպատակն է՝ նոր չափորոշիչը փորձարկել Տավուշի մարզում, վերապատրաստել ուսուցիչներին և տնօրեններին, ուսումնասիրել կրթական նորարարությունները, գնահատել մեթոդների և ռազմավարությունների ներդրման արդյունքները։