Ուսուցիչների կամավոր ատեստավորման քննությունները սկսվել են նոյեմբերի 8-ից և շարունակվելու են մինչև նոյեմբերի 30-ը։

Նոյեմբերի 8-ին ատեստավորման քննություն են հանձնել աշխարհագրություն և ինֆորմատիկա դասավանդող կամ դասավանդելու ցանկություն ունեցող ուսուցիչները:

Առաջինը ատեստավորման քննություն են հանձնել աշխարհագրություն և ինֆորմատիկա դասավանդող ուսուցիչները:

Համապատասխանաբար գրանցվել են 313 և 289 մասնակիցներ:

Պաշտոնական աղբյուրը հայտնել է, որ ատեստավորման նպատակով աշխարհագրության 313 ոււսուցիչներ է հայտագրվել, որոնց շուրջ 85 տոկոսը մասնակցել է քննությանը։ Ինֆորմատիկայի ուսուցիչների մասնակցության վերաբերյալ տվյալ չի հրապարակվել։

Երևանում և մարզերում ձևավորվել են 53 քննական կենտրոններ, որոնք, ըստ ԿԳՄՍ նախարարության, կահավորվել են համապատասխան սարքավորումներով, ապահովվել գերարագ ինտերնետային կապով:

Պաշտոնական տվյալներով՝ այս տարի կամավոր ատեստավորմանը մասնակցելու հայտ է ներկայացրել ավելի քան 8400 հոգի։
2024 թվականին ամփոփված տվյալներով, ուսուցիչների 20 տոկոսն է ստանում աշխատավարձի հավելավճար կամավոր ատեստավորման շնորհիվ։ Մինչդեռ, ԿԳՄՍ նախարարի 2021 թ. հրամանով նախատեսված էր, որ արդեն 50 տոկոսը պետք է ստանար հավելավճար։

Թերակատարման պատճառները տարբեր են՝ սկսած թեստերից, վերցաջրած կազմակերպչական հարցերով։ Այս տարի առերևույթ լուծված են էլեկտրոնային համակարգի հետ կապված խնդիրները։

Ատեստավորման ժամանակ ի հայտ եկած խնդիրների վերաբերյալ հարցերով կարող եք դիմել mediaforeducation.ngo@gmail.com էլ․ հասցեով։