Արևմտյան Ավստրալիայում այսօր առավոտից բողոքի ակցիա են սկսել ուսուցիչները։ ABC News-ի հաղորդմամբ, ակցիային մասնակցում է մոտ 8000 ուսուցիչ։ Նրանց պահանջների թվում են արժանապատիվ աշխատավարձն ու աշխատանքային նորմալ պայմանները։

Ուսուցիչները մասնավորապես բողոքում են ծանրաբեռնվածությունից, մեկ հոգով 32 աշակերտի հետ նույն դասարանում աշխատելուց։

Կառավարության ներկայացուցիչն ասել է, թե նման ծայրահեղ միջոցով հարցեր դնելու կարիք բացարձակապես չկար։ Սակայն ընդունել է ուսուցիչների փաստարկները, որ հատուկ կարիք ունեցող երեխաների կրթության համար պետությունը պարտավոր է ապահովել համապատասխան պայմաններ։