Լուսանկարը՝ «Լրագրողներ առանց սահմանների» կազմակերպության էջից
«Լրագրողներ առանց սահմանների» կազմակերպությունը դատապարտել է Ադրբեջանում 6 լրագրողի ձերբակալության փաստը։ Հեղինակավոր միջազգային կազմակերպությունը ընդգծում է ձերբակալված լրագրողների քննադատական գործունեության հանգամանքն ու Ադրբեջանի իշխանությանը կոչ անում անհապաղ ազատել լրագրողներին։
«Ուղիղ մեկ ամիս անց այն օրվանից, ինչ Իլհամ Ալիևի ռեժիմը օգտագործեց COP29-ի շքեղությունը՝ իր միջազգային իմիջը մաքրելու համար, վերսկսեց լրագրողների նկատմամբ անխնա ճնշումները: Մեյդան TV-ի վեց լրագրողների ձերբակալությունը մեկ անգամ ևս ապացուցում է ռեժիմի պատրաստակամությունը՝ անամոթաբար թիրախավորել մարդկանց, որոնք համարձակվում են Ադրբեջանի քաղաքացիների համար ապահովել տեղեկացված լինելու իրավունքը։ «Լրագրողներ առանց սահմանների» կազմակերպությունը պահանջում է նրանց, ինչպես նաև մյուս 13 լրագրողների անհապաղ ազատ արձակումը, որոնք ապօրինաբար են ձերբակալվել։
Կազմակերպությունը միջազգային հանրությանը կոչ է անում չմոռանալ այս ծանր ու համակարգված մարդու իրավունքների խախտումները,- նշված է «Լրագրողներ առանց սահմանների» կազմակերպության Արևելյան Եվրոպայի և Կենտրոնական Ասիայի ղեկավար Ժաննա Քավելիերի հայտարարության մեջ։
