Ֆինլանդիայի խորհրդարանը քվեարկել է նոր օրենքի օգտին, որը սահմանափակում է բջջային սարքերի օգտագործումը տարրական և միջնակարգ դպրոցներում:

Նոր կանոններն ուժի մեջ կմտնեն այս տարվա օգոստոսից՝ ամառային արձակուրդներից հետո:

Օրենքն ամբողջությամբ չի արգելում հեռախոսների օգտագործումը դպրոցում, սակայն, ընդհանուր առմամբ, դասերի ժամանակ դրանց օգտագործումը կթույլատրվի միայն հատուկ դեպքերում։ Դրա համար աշակերտները պետք է ուսուցիչներից հատուկ թույլտվություն ստանան՝ օրինակ՝ դասերին աջակցելու կամ առողջական խնդիրներ լուծելու նպատակով:

Օրենքը նաև դպրոցների անձնակազմին տալիս է բջջային հեռախոսների օգտագործման կանոնների խախտման դեպքում դրանց առգրավման իրավունք:

Կրթության նախարար Անդերս Ադլերկրեյցը նշել էր, որ, չնայած սահմանափակումներին, երեխաների թվային հմտությունները կշարունակեն զարգացնել։