Մեծ Բրիտանիայի երեխաների հարցերով հանձնակատարի համոզմամբ, երեխաների կրթությունը տանը կազմակերպելու դեպքերը վերջին 5 տարում կրկնապատկվել են։

2023-2024 թվականներին ծնողները երեխաների կրթությունը տանը կազմակերպելու 66 000 հայտ են ներկայացրել։ 2019-2020 թվականներին եղել է 28 000 հայտ։

Հանձնակատար Դեյմ Ռաքել դե Սոուզան ընդգծել է, որ տանը կրթություն կազմակերպելը դիտարկվում է որպես վերջին տարբերակ։

Ծնողների ծայրահեղ որոշումների պատճառը հատուկ կարիք ունեցող երեխաներին ոչ համապատասխան կրթության վիճակն է։

Հիմա էլ կազմակերպվում են տնային դպրոցը նախընտրած երեխաների ռեգիստրի աշխատանքները, որպեսզի տեղական պաշտոնյաները կարողանան հասկանալ, թե ինչ կարիքներ ունեն երեխաները։

Ըստ BBC-ի, 2023-ի աշնանն ամփոփված տվյալներով՝ տանը կրթություն ստացող երեխաների ընդհանուր թիվը 92 000 է։

Հատուկ կարիք ունեցողների պահանջներն, ըստ վերջին հարցումների, չեն բավարարվում 71 տոկոսով։ Հենց սա է պատճառը, որ ծնողները հրաժարվում են հանրակրթական դպրոցներից: