«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
Լուսանկարը՝ classmathematics.com կայքից
Ավստրալիայում բարձրագույն մաթեմատիկա սովորողների թիվը նվազել է՝ հասնելով ընդամենը ավագ դպրոցի աշակերտների 8.4 տոկոսի։ Գիտությունների ակադեմիայի նոր զեկույցը փաստում է, որ դեռահասների զգալի մասը հրաժարվում է մաթեմատիկայից։ Հետազոտողները պարզել են, որ այս հանգամանքն արդեն տասնամյակներ շարունակ բացասաբար է ազդում երկրի գիտական և տեխնոլոգիական ապագայի վրա։
Զեկույցի հեղինակները հիշեցնում են, որ մաթեմատիկական գիտելիքները պահանջված են տվյալագիտության, արհեստական ինտելեկտի, կենսատեխնոլոգիայի, կլիմայի ուսումնասիրությունների և այլ ոլորտներում։ Սակայն դպրոցականների շրջանում առարկան հաճախ ընկալվում է որպես դժվար և ոչ գրավիչ։ Աշակերտների մոկ երրորդը նախընտրում է չսովորել, իսկ դա նվազեցնում է մասնագիտական պատրաստվածության մակարդակը։
Փորձագետների գնահատմամբ՝ խնդիրը պայմանավորված է ոչ միայն դասընթացների բարդությամբ։ Շատերը չեն տեսնում մաթեմատիկայի կիրառելիությունը ապագա մասնագիտության մեջ, իսկ մյուսները կորցնում են վստահությունը սեփական կարողությունների նկատմամբ։ Զեկույցի հեղինակները կարծում են, որ մաթեմատիկան պետք է ներկայացվի որպես անհրաժեշտ և հետաքրքիր ընտրություն, այլ ոչ թե պարտադրանք։
Գիտությունների ակադեմիան կրթական համակարգին և քաղաքականություն մշակողներին կոչ է անում փոխել մոտեցումը՝ մաթեմատիկան դարձնելով առավել գրավիչ և հասանելի դպրոցականների համար։ Ըստ փորձագետների՝ սա կարևոր է ոչ միայն աշակերտների կարիերայի հեռանկարների, այլև երկրի գիտատեխնոլոգիական զարգացման համար։
