Լուսանկարը՝ Նոր Զելանդիայի ՄԻՊ-ի կայքից
«Ամեն ինչ արդար» խորագրով դասավանդման նյութեր հրապարակելով՝ Նոր Զելանդիայի օմբուդսման Պետեր Բոշեյրը անդրադարձել է կրթության իրավունքների իրացմանը: Նա այս քայլով խնդիր է դրել անել հնարավորը, որ դպրոցում ստացած կրթությունը բավարար լինի քաղաքացիական հասարակության լիարժեք ներկայացուցիչ դառնալու համար:
Պետեր Բոշեյրի այս նախաձեռնությունն իրականություն է դարձել Նոր Զելանդիայի կրթության նախարարության և հատուկ մասնագիտացված ուսուցիչների հետ սերտ համագործակցությամբ:
Օմբուդսմանի առաջարկով, մասնագետների մշակմամբ պատրաստված թեմաները ներառում են երեխաների իրավունքների մասին նյութեր, բոլորի համար առողջապահական ոլորտի բավարար հասանելիության և շատ այլ կարևոր հարցեր: Դպրոցականներին ներկայացված է, թե որ դեպքերում, որ հարցերում կարող է օմբուդսմանն օգնել իրավունքների պաշտպանության նպատակով:
«Օմբուդսմանն ունի սահմանադրական կարևոր դեր: Բոլոր տարիքի երեխաները կարող են դիմել ինձ, եթե խնդիրներ են տեսնում կառավարության, դպրոցի ղեկավարության, կրթության համակարգի հետ կապված»,- ասել է Նոր Զելանդիայի օմբուդսմանը:
«Արդարադատություն պահպանելն իմ նեդրումն է Նոր Զելանդիայի բոլոր երեխաների գիտելիքների և կարողությունների դաշտում՝ ապագայում իրավունքների պաշտպանության ու համայնքների ձևավորման նպատակով»,- բացատրել է օմբուդսմանը: Նա մանրամասնել է, որ երեխաների իրավունքների վերաբերյալ բավարար գիտելիքների ուղղությամբ կրթությունը սկսվում է 1-ին դասարանից և շարունակվում է 10 տարի:
«Երեխաները դպրոցում պիտի պատկերացում կազմեն, թե ինչ է նշանակում արդարություն»,- ընդգծել է օմբուդսմանը:
Ուսուցիչներին տրամադրվել են տեքստերը, տեսանյութերը, ուղեցույցերը:
Քաղաքացիական կրթությունը Նոր Զելանդիայի դպրոցներում ներառված է «սոցիոլոգիական գիտություն» առարկայի դասավանդման շրջանակում:
«Նոր Զելանդիան աշխարհում ամենաթափանցիկ ժողովրդավարությունն ունեցող երկրներից է, սակայն հետազոտություններով բացահայտվել են որոշ խնդիրներ տարեցների և կրտսեր սերնդի ներկայացուցիչների շրջանում սահմանափակ պատկերացումների պատճառով: Ես ուզում եմ լրացնել այս բացը»,- ասել է Պետեր Բոշեյրը:
2024 թ. տվյալով, Նոր Զելանդիան 180 երկրից 3-րդ տեղում է հանրության շրջանում կոռուպցիայի դեմ պայքարի ցուցանիշներով:
