Հայաստանի պետական բյուջեից 2025 թ.-ին 3,8 միլիարդ դրամ է հատկացվել Հայաստանում ներառական կրթությանը, որից միայն 82 միլիոն դրամն է նախատեսված աուտիզմ ունեցող երեխաների համար: Մինչդեռ մասնագետները պնդում են, որ հատկապես վերջին տարիներին գնալով ավելանում է հոգեխոսքային խանգարումներով ծնվողների թիվը: Այս կարգի խնդիրներով երեխաներն ավելանում են, իսկ մասնագետներն արդեն չեն հերիքում դպրոցներում ու նախակրթարաններում նրանց աջակցելու համար:

Վանաձորում գործող «Լուսաստղ» ՀԿ փորձագետների տվյալներով, դպրոցներում ու մանկապարտեզներում հատուկ կարիք ունեցող երեխաների 80 տոկոսը մտավոր խնդիրներ, հատկապես աուտիզմ ունի: