Լուսանկարը՝ ՄՀԿ-ի
ՀՀ կառավարությունը ԱԺ հերթական նիստում ներկայացրել է «Կրթության մասին» օրենքում փոփոխություններն ու լրացումները:
Առաջարկվում է ներդնել հանրակրթական հաստատությունների նոր մոդել, որի համաձայն՝ փոքրաթիվ բնակչությամբ բնակավայրերում կգործեն կրթահամալիրներ, որոնք կծառայեն որպես համայնքային զարգացման կենտրոններ։
«Կրթահամալիրներում նախատեսվում է իրականացնել նաև նախադպրոցական և արտադպրոցական կրթական ծրագրեր»,- ԱԺ-ում ասել է ԿԳՄՍ փոխնախարար Արաքսիա Սվաջյանը:
Փոխնախարարի խոսքով, ըստ օրինագծի՝ ուսումնական հաստատությունների ղեկավարման հավաստագիր ստանալու համար կարող են դիմել այն անձինք, որոնք ունեն բարձրագույն կրթություն և վերջին տասը տարվա ընթացքում մանկավարժական կամ գիտամանկավարժական աշխատանքի, կամ կառավարման ոլորտի 5, կամ կրթության կառավարման ոլորտի առնվազն 3 տարվա աշխատանքային փորձ:
Նախագծով սահմանվել են նաև հավաստագրի դադարեցման հիմքերը: Դրանց թվում են կեղծ տեղեկատվության տրամադրումը, ուսումնադաստիարակչական գործունեության հետ անհամատեղելի վարքը, պետությանը ֆինանսական, գույքային վնաս պատճառելը:
