Տեսանյութը՝ «Մեդիան հանուն կրթության» ՀԿ-ի
«Մխիթար Սեբաստացի» կրթահամալիրի 9-րդ դասարանի սովորողներն այսօր հանրային ներկայացման էին. յուրաքանչյուրը հանդես եկավ իր կատարած աշխատանքով: Նախագծային աշխատանքները գինու վերաբերյալ էին:
Աշակերտներն ուսումնասիրություններ են կատարել, հարցազրույցներ արել մասնագետների հետ, հետազոտություններ են կատարել, գրական գործեր թարգմանել:
«Մխիթար Սեբաստացի» կրթահամալիրի 9-րդ դասարանցի սովորողներն այցելել են կրթական հաստատության գինու և խաղողի քոլեջ՝ տեղում ծանոթանալով գինի ստեղծելու գործընթացներին՝ խաղողահավաքին, խմորման գործընթացին:
Հանրային ներկայացումն ավագ դպրոցի գրադարանում էր: Նկատելի էր սովորողների անմիջականությունն ու իմացածը մյուսներին փոխանցելու պատրաստակամությունը: Սա կարևոր հմտություն է, որն ապահովվում է կրթահամալիրի մոտեցման շնորհիվ:
