Ուզբեկստանի մայրաքաղաքում՝ Տաշքանդում անցկացված համաժողովում Կենտրոնական Ասիայի կրթական նորարարություններն են ներկայացվել միջազգային մասնագիտական համայնքին։ Մասնակցել են ավելի քան 300 մասնագետներ՝ տարածաշրջանի համալսարաններից, պետական մարմիններից և մասնավոր հատվածից, ինչպես նաև Եվրոպայի և Մերձավոր Արևելքի կրթական ոլորտի ներկայացուցիչներից։

Վերջին տասնամյակում Ուզբեկստանը սկսել է լայնածավալ կրթական բարեփոխումներ։ Բարձրագույն ուսումնական հաստատությունների թիվը երկրում աճել է գրեթե երեք անգամ՝ 69-ից հասնելով 200-ից ավելիի։ Խնդիր է դրվել համալսարաններւ համապատասխանեցնել միջազգային չափորոշիչներին՝ ընդլայնելով արտասահմանյան գործընկերների հետ համագործակցությունը և ներգրավվելով միջազգային վարկանիշային համակարգերում։