UNESCO-ն ազդարարել է 2025 թ. կրթության ոլորտի գլխավոր թեման՝ «Արհեստական բանականությունը և կրթությունը. մարդկային գործոնի պահպանությունը՝ ավտոմատացման աշխարհում»:

Կազմակերպությունը երկրներին հորդորում է քննարկել արհեստական բանականության խելամիտ ինտեգրումը կրթության ոլորտում՝ պահպանելով անվտանգ, էթիկական և ներառական մոտեցումները։

Դեռ 2023 թվականին UNESCO-ն հանրայնացրել էր արհեստական բանականության ուղղությամբ նախաձեռնած ուսումնասիրությունը։ Պարզվել էր, որ դպրոցների և բուհերի միայն 10%-ն ունի արհեստական բանականության պատասխանատու օգտագործման կանոններ։

UNESCO-ի հորդորն է՝ արհեստական բանականության հնարավորություններն օգտագործելիս առաջնորդվել անվտանգության, էթիկական նորմերի պահպանման և ներառականության ինտեգրման կանոններով։