Լուսանկարը՝ ԿԳՄՍ նախարարության կայքից
2021-2024 թվականներին կամավոր ատեստավորմանը պետական բյուջեից հատկացվող ֆինանսական միջոցներն անշեղորեն աճել են։
2021 թվականին կամավոր ատեստավորմանը ուղղվել է 68,7 մլն. դրամ, 2022 թվականին՝ 1 մլրդ. դրամ, 2023 թվականին՝ 3,2 մլրդ, որը 2023 թվականի կրթության որակի ապահովման ծրագրի ամենաշատ բյուջետային ֆինանսավորումն է՝ 46,5%, 2024 թվականին կամավոր ատեստավորմանը հատկացվել է 3,6 մլրդ. դրամ։
Ըստ ՀՀ 2025 թվականի «Պետական բյուջեի» մասին ՀՀ օրենքի, կամավոր ատեստավորման համար նախատեսվել է 8,6 մլրդ. դրամ։
Կամավոր ատեստավորման ներդրման վերաբերյալ տողով 2025 թվականի բյուջետային ֆինանսավորումը նախորդ տարվա համեմատ նախատեսված է 138,8% -ով ավելի և կրթության որակի ապահովման ծրագրով նախատեսված ծախսերի 53,8%-ը։
Կամավոր ատեստավորման համակարգի ներդրումն, ըստ պետական բյուջեի վերաբերյալ օրենքով սահմանված ծրագրային տողի, ուղղված է ուսուցիչների որակի բարձրացմանը։ Այս տողն ընդգրկված է կրթության որակի ապահովման ծրագրում։
2021 թվականից կամավոր ատեստավորումն իրակացվում էր թղթային տարբերակով, իսկ 2024 թվականից՝ էլեկտրոնային եղանակով։
Տնտեսագետ
Նոր մեկնաբանություն