«Մխիթար Սեբաստացի» կրթահամալիրը այսօր ժամը 13:00–ին նախատեսում է հրատապ մամուլի ասուլիս՝ կրթահամալիրի աշխատողների անհատական պայմանագրերով, կոլեկտիվ պայմանագրով որոշված մարտ ամսվա կանխավճարները (ավանսային վճարումներ) 5 օր շարունակ չտրամադրելու կապակցությամբ։

«Կրթահամալիրի կառավարման խորհուրդը սահմանված կարգով հաստատել, մարտի 11-ին ԿԳՄՍՆ է ներկայացրել 2026թ. ծախսերի նախահաշիվը, որի հաստատման ձգձգումը մեծացող լարվածություն է առաջացնում»,– նշված է «Սեբաստացի» կրթահամալիրի կայքում։ ԿԳՄՍ նախարարությունից նախատեսված գումարը չստանալու պատճառով, ըստ կյրթահամալիրի, «խախտվում են աշխատողների աշխատանքային իրավունքները»։

Կրթահամալիրը երեկ դիմել է ՀՀ մարդու իրավունքների պաշտպան Անահիտ Մանասյանին՝ ակնկալելով նրա գործուն արձագանքը։ Բացի այդ, «Սեբաստացի» կրթահամալիրը դիմել է Հայաստանի արհմիությունների կոնֆեդերացիայի նախագահ Էլեն Մանասեյանին՝ նշելով․

Կրթահամալիրի տնօրենը, ինչպես նշված է արհմիության կոնֆեդերացիայի ղեկավարին ուղղված գրության մեջ, չի ստորագրում նախարարության ներկայացրած սուբսիդիայի պայմանագիրը, «որն արտացոլում է ոչ իրավական հաշվարկներով ստացված գումարը»։

Կրթահամալիրը խնդրում է աջակցել պետական մարմնի և գործատուի երկխոսությանը, տրամադրել իրավական աջակցություն՝ պաշտպանելով ուսուցիչների շահերը։