Կարող եք ինձ որակել «հետամնաց», բայց ես դեռ իմ աշակերտներին առձեռն եմ տալիս կամ էլ․ նամակներ ուղարկելով՝ կցում եմ իմ ձեռագրով գրվածը,- իր փորձով է կիսվել Տեխասի դպրոցներից մեկի ուսուցչուհի Ելիզավետա Ինգրամը։
Նրա բացատրությամբ՝ յուրահատուկ իրավիճակ է, երբ աշակերտը գիտի, որ դու հատուկ ժամանակ ես տրամադրել ու մի գեղեցիկ թղթի վրա անձամբ նրա համար երկտող ես գրել։ «Նպատակիդ հասնում ես, երբ քո ձեռքով գրածը կարող է կարդալ աշակերտդ ու նրա ընտանիքը»,- իր փորձով է հաստատում ուսուցչուհին՝ խորհուրդ տալով կարճ գրություններն անել պայծառ գույներով փոքրիկ թղթերի վրա։
Ուսուցչուհին ներկայացրել է իր գրություններից որոշ օրինակներ․ «Ես տեսնում եմ՝ դու ինչպես ես դասընկերներիդ հրավիրում միասին խաղալու։ Եվ դա շատ լավ է», «Ես նկատում եմ, որ դու աշխատում ես ավելի վարժ կարդալու համար։ Շուտով կհասնես հաջողության, եթե շարունակես ջանալ»։
