Նկարիչ, մշակութաբան, փիլիսոփա, «Ռուբիկոն» գեղարվեստական-մշակութաբանական հանդեսի գլխավոր խմբագիր Արա Գուրզադյանը 2000 թվականին «Առավոտ» թերթին տված հարցազրույցում հատուկ ընդգծել էր ազգային մտքի արժեքների պահպանության կարևորությունը։

«Պետք է ձևավորվեն մարդկային այնպիսի խմբեր, որոնք պահպանում են, կամ ի վիճակի կլինեն պահպանելու հոգևոր մշակույթը, մտքի ձեռքբերումները, ազգային մտքի արժեքները։ Եթե այս բանը տեղի չունեցավ, մասնավորապես անասելի չափերի հասնող արտագաղթի պայմաններում, մենք կհանձնենք մեր երկիրը, ինչպես ժամանակին հանձնել ենք Արևմտյան Հայաստանը։ Մեզ համար կործանարար մի երևույթ»։