«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
Լուսանկարը՝ YLE լրատվական գործակալության
Ֆինլանդիայի սահմանադրական իրավունքի հարցերով խորհրդարանական հանձնաժողովը դրական եզրակացություն է տվել դպրոցներում սմարթֆոնների կիրառությունն արգելող օրենքի նախագծին:
Խորհրդարանական հանձնաժողովը նշել է, որ դպրոցներում սմարթֆոնների արգելքի վերաբերյալ իրավական ակտի ընդունումը չի հակասում Սահմանադրությամբ ամրագրված հիմնարար իրավունքներին:
«Դասերի ժամանակ բջջային հեռախոսների կիրառությունը սովորողների հիմնարար իրավունքներից չէ»,- ֆիննական STT լրատվական գործակալությանն ասել է հանձնաժողովի նախագահ Հեյկի Վեսթմանը՝ ընդգծելով, որ հանձնաժողովի մեծամասնությունն աներկբա աջակցում է կառավարության մոտեցմանը:
Նախագծով արգելվում է դասերի ժամանակ բջջային հեռախոսի կիրառությունը, սովորողները դպրոցներում սմարթֆոն կարող են կիրառել բացառապես հատուկ դեպքերում՝ կրթական կամ առողջապահական նպատակներով և բացառապես ուսուցչի թույլտվությամբ: Արգելքը չի վերաբերում դասամիջոցներին և ճաշի ընդմիջումներին:
Կրթության նախարար Անդերս Ադլերքրյութսը պարզաբանել է, որ արգելքի նպատակն է աշակերտների կենտրոնացման համար բավարար պայմաններ ստեղծելը:
