ԱՄՆ – ում շարունակ աճում է մեծահասակների աջակցությունը դպրոցներում բջջային հեռախոսների ամբողջօրյա արգելքին։ ԱՄՆ Պյու հետազոտական կենտրոնի վերջին հարցման համաձայն՝ հարցվածների 48 % – ը կողմ է միջին և ավագ դպրոցներում հեռախոսների օգտագործման արգելքին, այս ցուցանիշը 12 % – ով ավելացել է 2024 թվականի ցուցանիշի համեմատ։ Միաժամանակ, 43 % – ը դեմ է, իսկ 8%-ը դեռևս դիրքորոշում չունի։

Դասաժամերին հեռախոսների օգտագործման արգելքին աջակցում է հարցվածների 77% – ը՝ նախորդ տարվա 74% – ի և 2024 թվականի 68 % – ի համեմատ։

Հանրային աջակցության աճը համընկնում է այն փաստի հետ, որ ԱՄՆ – ում ավելի ու ավելի շատ նահանգներ են սահմանափակում բջջային հեռախոսների օգտագործումը դպրոցներում։ Այժմ արդեն 35 նահանգի դպրոցներում հեռախոսների օգտագործումը արգելված կամ սահմանափակված է։

Ապրիլին հրապարակված ուսումնասիրությունը ցույց է տվել, որ հեռախոսների արգելքը բարելավել է դպրոցականների կարգապահության աստիճանը, սակայն ակադեմիական առաջադիմության վրա դրա ազդեցությունը սահմանափակ է եղել։