Ավստրալիայի կրթության ապագան դարձել է համապետական ընտրությունների առանցքային հարցերից մեկը։

2025 թվականի նախատեսված դաշնային ընտրություններին ընդառաջ Ավստրալիայի գործող գանձապետի և ընդդիմության թեկնածուի՝ Sky News-ի ուղիղ հեռուստաբանավեճի առանցքային թեման եղել է նրանց՝ տնտեսության և կրթության վերաբերյալ պատկերացումները։

Գործող գանձապետ Ջիմ Չալմերսը (Լեյբորիստական կուսակցություն) հայտարարել է, որ իրենց կառավարությունը կրթությունը դիտարկում է որպես ապագայի հիմնասյուն և ներդրումները կշարունակվեն՝ կբարելավվեն հանրային դպրոցներն ու աջակցոթւյան կարժանանան ուսուցիչները։ Նա զգուշացրել է ընդդիմության «գաղտնի կրճատումների» ծրագրերի մասին, որոնք կարող են խաթարել կրթական ոլորտի կայունությունը։

Իսկ ընդդիմության գանձապետի թեկնածու Անգուս Թեյլորը (Լիբերալ կոալիցիա) խոստացել է պահպանել կրթության ֆինանսավորումը՝ միևնույն ժամանակ ընդգծելով «անարդյունավետ ծախսերի» դադարեցման անհրաժեշտությունը։ Նա պնդել է, որ հանրային միջոցները պետք է խելամիտ ծախսել՝ կրթության ոլորտում ավելի բարձր արդյունքների հասնելու համար։